കുമിളി
ഗ്രാമ പഞ്ചായത്ത്

ഇടുക്കി ജില്ലയിലെ കുമളി ഗ്രാമപഞ്ചായത്തും പരിസരപ്രദേശങ്ങളും തേക്കടി പെരിയാർ കടുവ സംരക്ഷിത കേന്ദ്രം,  മംഗളാദേവി ക്ഷേത്രം, ഒട്ടകത്തലമേട് കുരിശുമല, ചെങ്കര കുരിശുമല, മിറാക്കിൾ മൌണ്ട്,  ആനസവാരി,, സ്പൈസ് ഗാർഡനുകൾ, ചെല്ലാർകോവിൽ വെള്ളച്ചാട്ടം,  തുടങ്ങിയ പ്രശസ്തമായ വിനോദസഞ്ചാര കേന്ദ്രങ്ങളാൽ സമ്പന്നമാണ്. പച്ചപ്പ് നിറഞ്ഞ തേയില, ഏലം തോട്ടങ്ങളും, ബോട്ടിംഗ് സൗകര്യങ്ങളുമുള്ള അതിർത്തി ഗ്രാമമാണിത്. തമിഴ് നാടിനോട് അതിർത്തി പങ്കിടുന്ന കുമളി ഗ്രാമപഞ്ചായത്ത് വിസ്ത്രിതിയിൽ സംസ്ഥാനത്തെ ഏറ്റവും വലിയ പഞ്ചായത്താണ്.

• തേക്കടി പെരിയാർ കടുവ സംരക്ഷിത കേന്ദ്രം (Periyar Tiger Reserve): കുമളിയോട് ചേർന്നുള്ള പ്രധാന ആകർഷണം. വന്യജീവി സഫാരി, പെരിയാർ തടാകത്തിൽ ബോട്ടിംഗ്, ട്രെക്കിംഗ് എന്നിവയ്ക്ക് പ്രശസ്തം.
• മംഗളാദേവി ക്ഷേത്രം (Mangaladevi Temple): കുമളിയിൽ നിന്ന് 15 കിലോമീറ്റർ അകലെ സ്ഥിതി ചെയ്യുന്ന പുരാതന ക്ഷേത്രം. പാണ്ഡ്യൻ ശൈലിയിലുള്ള നിർമ്മിതിയും മനോഹരമായ കാഴ്ചകളും ഇവിടെയുണ്ട്.
• കുരിശുമല & പാണ്ഡിക്കുഴി (Kurisumala & Pandikuzhy): ട്രെക്കിംഗിന് അനുയോജ്യമായ പ്രദേശം.  

• ചെങ്കര കുരിശുമല

  കേരളത്തിലെ ഇടുക്കി ജില്ലയിൽ കുമളി പഞ്ചായത്തിൽ സ്ഥിതി ചെയ്യുന്ന പ്രകൃതിരമണീയമായ ഒരു വിനോദസഞ്ചാര-തീർത്ഥാടന കേന്ദ്രമാണ് ചെങ്കര കുരിശുമല. ഹൈറേഞ്ചിന്റെ മനോഹാരിത മുഴുവൻ ആസ്വദിക്കാൻ സാധിക്കുന്ന, അധികം ആളുകൾ എത്തിപ്പെടാത്ത ഒരു ചെറിയ മലനിരയാണിത്. പ്രധാന സവിശേഷതകൾ:

• ലൊക്കേഷൻ: തേക്കടി, കുമളി പ്രദേശങ്ങൾക്ക് സമീപമുള്ള ചെങ്കരയിലാണ് ഈ കുരിശുമല സ്ഥിതി ചെയ്യുന്നത്.
• പ്രാകൃതിക സൗന്ദര്യം: പച്ചപ്പുനിറഞ്ഞ മലനിരകളും കോടമഞ്ഞും നിറഞ്ഞ ഇവിടുത്തെ അന്തരീക്ഷം സഞ്ചാരികൾക്ക് ഏറെ അനുയോജ്യമാണ്. ട്രെക്കിംഗിനും ഫോട്ടോഗ്രഫിക്കും വളരെ അനുയോജ്യമായ ഒരു സ്ഥലമാണിത്.
• തീർത്ഥാടനം: കേരളത്തിലെ മറ്റു കുരിശുമലകളെപ്പോലെ തന്നെ (വാഗമൺ, എലപ്പാറ) ഇതും ക്രൈസ്തവ വിശ്വാസികളുടെ ഇടയിൽ പ്രധാനപ്പെട്ടതും പ്രാർത്ഥനാപൂർവ്വവുമായ ഒരു മലകയറ്റ പാതയായി വികസിച്ചുവരുന്നുണ്ട്. 

• ഒട്ടകത്തലമേട് കുരിശുമല

• സമുദ്രനിരപ്പില്‍ നിന്നും രണ്ടായിരത്തോളം അടി ഉയരത്തില്‍ സ്ഥിതിചെയ്യുന്നതാണ് ഒട്ടകത്തലമേട്. തേക്കടി തടാകത്തിന്റെയും മംഗളാദേവി ക്ഷേത്രത്തിന്റെ വിദൂരദൃശ്യങ്ങളും തമിഴ്‌നാടിന്റെ കുറച്ചുഭാഗങ്ങളും ഇവിടെനിന്ന് സഞ്ചാരികള്‍ക്ക് ആവോളം ആസ്വദിക്കാവുന്നതാണ്. സദാസമയം കാറ്റ് വീശുന്ന ഇടമായതിനാല്‍ സഞ്ചാരികള്‍ക്ക് മടുപ്പ് അനുഭവപ്പെടില്ല. സൂര്യോദയവും സൂര്യാസ്തമനവും കണ്‍കുളിര്‍ക്കെ കാണാന്‍ കഴിയുന്ന ഒട്ടകത്തലമേട്ടില്‍ വാച്ച് ടവറില്‍നിന്ന് 360  ഡിഗ്രിയില്‍ കാഴ്ചകള്‍ കാണാന്‍ കഴിയും.